കോന്നിമുരിങ്ങമംഗലം മഹാദേവർക്ഷേത്രത്തില്‍ ഇന്ന് പള്ളിവേട്ട, നാളെ തിരു:ആറാട്ട്

konnivartha.com : കോന്നി മുരിങ്ങമംഗലം മഹാദേവർക്ഷേത്രത്തിലെ തിരുവുത്സവത്തിന്റെ ഭാഗമായി ഇന്ന് രാത്രി പള്ളിവേട്ട നടക്കും, രാത്രി 8 മണിക്ക് ക്ഷേത്രത്തിൽ നിന്നും ആരംഭിക്കുന്ന പള്ളിവേട്ട പുറപ്പാട് പുതുപ്പറമ്പിൽ ഭാഗത്തു പ്രത്യേകം തയ്യാർ ചെയ്ത സ്ഥലത്തു പള്ളിവേട്ട നടക്കുന്നതും, തുടർന്ന് 9.30 ഓടെ ആഘോഷമായ പള്ളിവേട്ട തിരിച്ചെഴുന്നള്ളത്ത് ആരംഭിക്കുന്നതും 10.30 ഓടെ ക്ഷേത്രത്തിൽ എത്തിച്ചേരുന്നതുമാണ്

നാളെ തിരു :ആറാട്ട് മഹോത്സവം നടക്കും വൈകിട്ട് 5.30 ന് ആറാട്ട് ഘോഷയാത്ര ആരംഭിച്ച്, ക്ഷേത്ര കടവിൽ ആറാട്ടിന് ശേഷം രാത്രി 7.30 ന് ക്ഷേത്രത്തിൽ തിരികെ എത്തുന്നതും, വലിയ കാണിക്ക, കൊടിയിറക്ക് ഇവ നടക്കുന്നതും ആണ്
6 മുതൽ ഓമല്ലൂർ ചന്ദ്രശേഖരനും സംഘവും അവതരിപ്പിക്കുന്ന നാദസ്വര കച്ചേരിയും, 7.30 ന് മേജർസെറ്റ് കഥകളിയും ഉണ്ടാവും

മാർച്ച് 1 ന് മഹാശിവരാത്രി ദിവസം ക്ഷേത്രത്തിൽ നടക്കുന്ന   അഷ്ടദ്രവ്യമഹാഗണപതിഹോമത്തിലും, മഹാമൃത്യുഞ്ജയഹോമത്തിലും പങ്കെടുക്കുവാൻ താല്പര്യമുള്ളവർ നേരത്തെ പേര് നൽകണമെന്ന് ഉപദേശക സമിതി അറിയിച്ചു ശിവരാത്രിയോട് അനുബന്ധിച്ചു രാത്രി 7.30 മുതൽ കുമാരി ജെ ഭാഗ്യയുടെ സംഗീതാർച്ചനയും നടക്കും