കോന്നി ചിറ്റൂർ മുക്കില് യുവതിയെ കുത്തി പരിക്കേല്പ്പിച്ച പ്രതി പോലീസ് പിടിയില്
konnivartha.com : കോന്നി ചിറ്റൂര് മുക്കില് വെച്ച് യുവതിയെ കുത്തി പരിക്കേല്പ്പിച്ച പ്രതിയെ പോലീസ് പിടികൂടി . തിരുവനന്തപുരം നേമം ശാന്തിവിള സ്വദേശിനി അമ്പിളിയ്ക്ക് ആണ് കുത്ത് കൊണ്ടത് . അമ്പിളിയെ കുത്തിയ കോന്നി ചിറ്റൂർ മുക്ക് കാലായിൽ വീട്ടിൽ മോഹനകുമാർ ഒളിവില് പോയിരുന്നു .എന്നാല് ഇയാളെ പോലീസ് പിടികൂടി . ഇപ്പോള് കോന്നി താലൂക്ക് ആശുപത്രിയില് വൈദ്യ പരിശോധന നടത്തുന്നു .
മോഹന കുമാര് അമ്പിളിയുടെ കൈയ്യിൽ നിന്നും അഞ്ചു ലക്ഷം രൂപകടം വാങ്ങിയിട്ടുണ്ടെന്നും ആ രൂപ തിരികെ വാങ്ങാൻ വേണ്ടി മോഹനകുമാറിന്റെ വീട്ടിൽ അമ്പിളി വന്നതാണെന്നും കരുതുന്നു .വാക്ക് തര്ക്കം ഉണ്ടാവുകയും അങ്ങനെ മോഹന് കുമാര് അമ്പിളിയെ കുത്തി എന്നുമാണ് കരുതുന്നത് .
കുത്തി പരിക്കേൽപിച്ച ശേഷം മോഹനകുമാർ ഓടി പോയിരുന്നു . ഈ വീട്ടിൽ മോഹന് കുമാര് ഒറ്റയ്ക്കാണ് താമസം. മോഹന് കുമാറിന് വസ്തു ബ്രോക്കർ ഇടപാടുകള് ഉണ്ട് . മോഹന് കുമാറിന്റെ ഭാര്യ ജയറാണി തിരുവനന്തപുരം ദേവസ്വം ബോർഡിൽ ജോലിയാണ്. ഇവർക്ക് മകൾ ഉണ്ട്. ഭാര്യയും മകളും കൂടി തിരുവനന്തപുരത്താണ് താമസം
അമ്പിളി കോട്ടയം മെഡിക്കൽ കോളേജിൽ ചികിത്സയിലാണ് .കോന്നി പോലീസ് സമഗ്ര അന്വേഷണം നടത്തുന്നു
Read Next
അഭിപ്രായം രേഖപ്പെടുത്തൽ നിർത്തൽ ആകിയിരികുന്നു.