konnivartha.com : കോന്നി ട്രാഫിക്ക് ജങ്ക്ഷനില്‍ രാവിലെ ചെന്നാല്‍ കാണാം അനേക അന്യ സംസ്ഥാന തൊഴിലാളികളെ .പല സ്ഥലത്തേയ്ക്കും ജോലിയ്ക്ക് പോകുന്നവര്‍ ആണ് . എന്നാല്‍ നിരോധിത ലഹരി വസ്തുക്കളും പാന്‍ മസാല വിഭവങ്ങളും ചവച്ച് തുപ്പിയിടുന്നത് വഴിയരികിലേക്ക് ആണ് . നൂറുകണക്കിന് അന്യ സംസ്ഥാന തൊഴിലാളികള്‍ ചവച്ച് തുപ്പുന്നതില്‍ ചവിട്ടിയാണ് സ്കൂള്‍ കുട്ടികളും വഴിയാത്രികരും കടന്നു പോകുന്നത് . പകര്‍ച്ച വ്യാധികള്‍ ,ത്വക്ക് രോഗം ,ക്യാന്‍സര്‍ പോലും ഉള്ള തൊഴിലാളികള്‍ ഇതില്‍ ഉണ്ടെന്നു “കോന്നി വാര്‍ത്ത ഡോട്ട് കോം ” ഏതാനും ദിവസമായി നടത്തിയ അന്വേഷണത്തില്‍ കണ്ടെത്തി .
തൊഴിലാളികള്‍ താമസിക്കുന്ന സ്ഥലത്ത് ആരോഗ്യ വകുപ്പിന്‍റെ ഒരു പരിശോധനയും ഏറെ നാളായി ഇല്ല . ബോധവത്കരണം പോലും ഇല്ലാത്ത സ്ഥിതിയില്‍ കോന്നി ട്രാഫിക്ക് ജങ്ഷന്‍ മാരക രോഗത്തിന്‍റെ അണുക്കളെ വഹിക്കുന്നു .
ഇവര്‍ ചവച്ച് തുപ്പി ഇടുന്ന കഫം അല്‍പ്പം കഴിയുമ്പോള്‍ കാണുന്നില്ല . ശ്രദ്ധിച്ചാല്‍ മനസ്സിലാകും കാല്‍നടക്കാരുടെ ചെരുപ്പിന് അടിയില്‍ ഇത് ഒട്ടിപ്പിടിച്ചിരിക്കും .അവര്‍ പോകുന്ന സ്ഥലത്ത് എല്ലാം രോഗം വമിക്കുന്ന കഫം ചെല്ലുന്നു . രാവിലെ പത്തും പതിനൊന്നും മണിക്ക് ബൈക്കിലും കാറിലും എത്തുന്ന കോന്നിയിലെ ആരോഗ്യ വകുപ്പ് മേലധികാരികള്‍ക്ക്‌ ഇത് കാണുവാന്‍ സാധിക്കില്ല .
കൊറോണ പിടിപെട്ട സമയത്ത് അന്യ സംസ്ഥാന തൊഴിലാളികള്‍ക്ക് ബോധവത്കരണം നടത്തിയത് പോലെ റോഡില്‍ ചവച്ച് തുപ്പരുത് എന്ന് ബോധവത്കരണം നടത്തണം .ഇല്ലെങ്കില്‍ വലിയൊരു മഹാമാരി കോന്നിയെ വിഴുങ്ങും .കോന്നി ഉദാഹരണം മാത്രമാണ് . ഇത്തരം തൊഴിലാളികള്‍ ഉള്ള സ്ഥലങ്ങളില്‍ ഒന്ന് നോക്കുക .അപ്പോള്‍ അറിയാം ഭീകര രീതി