കലഞ്ഞൂർ പഞ്ചായത്ത് സെക്രട്ടറിയുടെ ശമ്പളം തടഞ്ഞുവെയ്ക്കാൻ ഓംബുഡ്സ്മാൻ ഉത്തരവ്

konnivartha.com: കലഞ്ഞൂര്‍ ഗ്രാമപഞ്ചായത്ത് സെക്രട്ടറിയുടെ ശമ്പളം തടഞ്ഞുവെയ്ക്കാൻ ഓംബുഡ്സ്മാൻ ഉത്തരവ്.

കലഞ്ഞൂർ ഗ്രാമ പഞ്ചായത്തിലെ ക്രമക്കേടുകൾക്കും, കെടുകാര്യസ്ഥതയ്ക്കുമെതിരെ യു.ഡി.എഫും ബി ജെ പിയും   നൽകിയ പരാതിയിലാണ് നടപടി. 2023-2024 സാമ്പത്തിക വർഷത്തെ മെയ്ൻറൻസ് ഗ്രാൻറ് വാർഡുകളിൽ അനുവദിച്ചതിൽ വിവേചനമുള്ളതായി ആരോപണം ഉയർന്നിരുന്നു.

എൽ.ഡി.എഫ് അംഗങ്ങളുടെ വാർഡുകളിൽ കൂടുതൽ തുക അനുവദിക്കുകയും, യു.ഡി.എഫ് അംഗങ്ങളുടെ വാർഡുകളെ അവഗണിക്കുകയും ചെയ്യുന്നതായും, ഗ്രാമ പഞ്ചായത്തിലെ മറ്റ് പദ്ധതികളിലെ ക്രമക്കേടും, അനാസ്ഥയും ചൂണ്ടിക്കാട്ടിയാണ് പ്രതിപക്ഷ അംഗങ്ങൾ സംയുക്തമായി നൽകിയ പരാതിയിൽ ഓംബുഡ്സ്മാൻ വാദം കേൾക്കുകയും മിനിട്സുകളിലടക്കം ക്രമക്കേടുകൾ നടന്നതായി നിരീക്ഷിക്കുകയും ചെയ്തതിന്‍റെ അടിസ്ഥാനത്തിലാണ് ഗ്രാമപഞ്ചായത്ത് സെക്രട്ടറിയുടെ ശമ്പളം തടഞ്ഞുവയ്ക്കാൻ ജോയിന്‍ ഡയറക്ടർക്ക് നിർദേശം നൽകിയിട്ടുള്ളത്