konnivartha.com: പത്തനംതിട്ട : നിർമ്മാണ തൊഴിലാളി യൂണിയൻ(സി ഐ ടി യു ) വനിതാ സബ് കമ്മിറ്റി പത്തനംതിട്ട ജില്ലാ കൺവെൻഷൻ നടന്നു .സി ഐ ടി യു ജില്ലാ പ്രസിഡന്റ്‌ എസ് .ഹരിദാസ് ഉദ്ഘാടനം ചെയ്തു.
സ്ത്രീകൾ സംഘടനാപരമായി കൂടുതൽ മുന്നോട്ടു വരണമെന്നും സമൂഹത്തിലും തൊഴിലിടങ്ങളിലും സ്ത്രീകൾക്ക് നേരെ ഉള്ള അതിക്രമങ്ങൾക്കും ബുദ്ധിമുട്ടുകൾക്കും എതിരെ ശക്തമായി പ്രതികരിക്കുവാനും പരിഹാരം കാണാനും സംഘടന പ്രവർത്തനം കൊണ്ടു കഴിയുമെന്നും അദ്ദേഹം പറഞ്ഞു.
നിർമ്മാണ തൊഴിലാളി യൂണിയൻ ജില്ലാ കമ്മിറ്റി അംഗം ലളിത നാരായണൻ അധ്യക്ഷത വഹിച്ചു.സി ഐ ടി യു ജില്ലാ വൈസ് പ്രസിഡന്റ്‌ ശ്യാമ ശിവൻ മുഖ്യപ്രഭാഷണം നടത്തി.
യൂണിയൻ നേതാക്കളായ മിനി രവീന്ദ്രൻ, പ്രസന്ന ബാബു ഷാന്റി ജേകബ് എന്നിവർ സംസാരിച്ചു.വനിതാ സബ് കമ്മിറ്റി കൺവീനറായി മിനി രവീന്ദ്രനെ തിരഞ്ഞെടുത്തു.
വനിതാ സംവരണ ബിൽ പാർലമെന്റ് തിരഞ്ഞെടുപ്പിന് മുന്നേ പ്രവർത്തികമാക്കണമെന്ന് കൺവെൻഷൻ പ്രമേയത്തിലൂടെ ആവശ്യപ്പെട്ടു.