കോന്നി മാരൂര്പാലത്തിലെ നടപ്പാതയിലെ തകര്ന്ന സ്ലാബ് പുന:സ്ഥാപിച്ചു
konnivartha.com: കോന്നി മാരൂർപ്പാലത്തിനു സമീപം മഠത്തില് കാവ് ക്ഷേത്രത്തിന് മുൻവശത്ത് നടപ്പാതയിൽ തകർന്നു വീണ സ്ലാബ് ഉടൻ പുനസ്ഥാപിക്കണം എന്നുള്ള കോന്നി വാര്ത്തയെ തുടര്ന്ന് അധികാരികള് സത്വര നടപടികള് സ്വീകരിച്ചു .നടപ്പാതയിലെ തകര്ന്ന സ്ലാബ് പുന:സ്ഥാപിച്ചു കൊണ്ട് അധികാരികള് മാതൃകാ പ്രവര്ത്തനം നടത്തി . ബന്ധപ്പെട്ട എല്ലാ വകുപ്പുകള്ക്കും നന്ദി .
കോളേജ് സ്കൂൾ വിദ്യാർത്ഥികൾ ഉൾപ്പെടെ നൂറുകണക്കിന് കാൽ നട യാത്രകാർക്ക് അപകട ഭീഷണിയാണ് ഈ തകര്ന്ന സ്ലാബ് എന്ന് കോന്നി വാര്ത്ത റിപ്പോര്ട്ട് ചെയ്തതോടെ കോന്നി പഞ്ചായത്ത് അധ്യക്ഷ അനി സാബു ഉള്പ്പെടെ ഉള്ള ജനപ്രതിനിധികള് ബന്ധപ്പെട്ട വകുപ്പില് വിഷയം അവതരിപ്പിച്ചു . റോഡ് നിര്മ്മാണ ചുമതല ഉള്ള കമ്പനി തന്നെ നടപടി സ്വീകരിച്ചു . സ്ലാബ് പുന:സ്ഥാപിച്ചു എന്ന് കോന്നി പഞ്ചായത്ത് അധ്യക്ഷ അറിയിച്ചു .
കൊല്ലന്പടിയില് കഴിഞ്ഞിടെ ഒരാള് ഓടയില് വീണു പരിക്ക് പറ്റി ഇപ്പോഴും ചികിത്സയിലാണ് . നൂറുകണക്കിന് കോളേജ് കുട്ടികള് ആണ് ഈ നടപ്പാത ഉപയോഗിക്കുന്നത് . ഈ കുഴിയില് വീണാല് അപകട വ്യാപ്തി കൂടും എന്നും കോന്നി വാര്ത്ത റിപ്പോര്ട്ട് നല്കി .
എത്രയും വേഗം സ്ലാബ് പുന:സ്ഥാപിക്കണം എന്ന് മാരൂര്പ്പാലം കേന്ദ്രമാക്കിയുള്ള ശ്രീ ചിത്തിര ക്ലബ് ഭാരവാഹികള് ആവശ്യം ഉന്നയിച്ചിരുന്നു . നാടിന്റെ വികസന കാര്യത്തില് ഇടപെടുന്ന ശ്രീ ചിത്തിര ക്ലബ് അംഗങ്ങള്ക്ക് കോന്നി വാര്ത്തയുടെ അഭിനന്ദനങ്ങള്.
Read Next
അഭിപ്രായം രേഖപ്പെടുത്തൽ നിർത്തൽ ആകിയിരികുന്നു.