konnivartha.com: പുനലൂര്‍ മൂവാറ്റുപുഴ സംസ്ഥാന പാതയുടെ നിര്‍മ്മാണം പൂര്‍ത്തിയായിട്ട് കുറച്ചു മാസങ്ങള്‍ കഴിഞ്ഞു . നിര്‍മ്മാണത്തിലെ അപാകതകള്‍ തുടക്കം മുതല്‍ ചൂണ്ടി കാട്ടിയിട്ടും തങ്ങള്‍ക്ക് തോന്നും പടി റോഡ്‌ നിര്‍മ്മിച്ചതിനാല്‍ കോന്നി മുറിഞ്ഞകല്‍ ഭാഗത്ത്‌ പല സ്ഥലത്തും കുഴികള്‍ രൂപപ്പെട്ടു . കെ എസ് ടി പി അധികാരികള്‍ മാസങ്ങളായി കണ്ടില്ല എന്ന് നടിക്കുന്ന ഈ കുഴികള്‍ ഇതാ ഇവിടെ കിടന്നു വളരുന്നു . അല്‍പ്പം കൂടി കഴിഞ്ഞാല്‍ പാതാളത്തില്‍ എത്തുവാന്‍ താമസം വേണ്ട .
വേഗതയില്‍ എത്തുന്ന വാഹനങ്ങള്‍ മൂലം സ്ഥിരം അപകടം ഉണ്ടാകുന്ന സ്ഥലം ആണ് ഇവിടെ .ഇവിടെയാണ്‌ പല സ്ഥലത്തും ചെറുതും വലുതുമായ കുഴികള്‍ ഉള്ളത് .മുറിഞ്ഞകല്‍ ഭാഗത്ത്‌ വെറുതെ ഒന്ന് കണ്ണോടിച്ചാല്‍ കാണാം അഞ്ചോളം കുഴികള്‍ . അതിരുങ്കല്‍ നിന്ന് വന്നിറങ്ങുന്ന മുറിഞ്ഞകല്‍ ഭാഗത്ത്‌ വലിയ കുഴി തന്നെ ഉണ്ട് . വാഹനങ്ങള്‍ അടുത്ത് എത്തുമ്പോള്‍ ആണ് ഡ്രൈവര്‍മാര്‍ കുഴി കാണുന്നത് .പെട്ടെന്ന് വാഹനം ബ്രേക്ക് ഇടുമ്പോള്‍ പലപ്പോഴും വാഹനം തെന്നി മാറിയാണ് ഇവിടെ അപകടം ഉണ്ടാകുന്നത് .കോടികള്‍ മുടക്കി നിര്‍മ്മിച്ച ഈ റോഡിലെ അശാസ്ത്രീയ നിര്‍മ്മാണം ആദ്യം മുതലേ പരാതിയ്ക്ക് ഇടയാക്കി .കരാറുകാരുടെ ഉത്തരവാദിത്വക്കുറവുകള്‍ നാട്ടുകാര്‍ ചൂണ്ടി കാണിച്ചിരുന്നു .
കെ എസ് ടി പിയുടെ മേല്‍നോട്ടം ചുമതല അവരും മറക്കുന്നു . എത്രയും വേഗം കുഴികള്‍ അടയ്ക്കാന്‍ കഴിയണം . ആയിരക്കണക്കിന് വാഹനങ്ങള്‍ കടന്നു പോകുന്ന പുനലൂര്‍ മൂവാറ്റുപുഴ സംസ്ഥാന പാതയുടെ വടുക്കള്‍ നിറഞ്ഞ ഈ കാഴ്ച ജനകീയ ആവശ്യം മുന്‍ നിര്‍ത്തി കോന്നി വാര്‍ത്ത റിപ്പോര്‍ട്ട്‌ ചെയ്യുന്നു .