konnivartha.com: “കോന്നി വാര്‍ത്ത”യുടെ അടിസ്ഥാനത്തില്‍ കമ്പിയിലെ കമ്പ് കെ എസ് ഇ ബി എടുത്തു മാറ്റി :സ്വിച്ചിട്ട വേഗതയില്‍ കെ എസ് ഇ ബി കോന്നി വകയാര്‍ സെക്ഷന്‍ ലൈന്‍മാന്‍ സ്ഥലത്ത് എത്തുകയും കമ്പ് നീക്കം ചെയ്യുകയും ചെയ്തു .വൈദ്യുത ലൈനില്‍ കുരുങ്ങിക്കിടക്കുന്ന കമ്പുകള്‍ ഉടനടി നീക്കം ചെയ്യാന്‍ ഉത്തരവ് നല്‍കിയ കെ എസ് ഇ ബിയുടെ തിരുവനന്തപുരത്തെ ഉന്നത അധികാരികള്‍ക്ക് ജനങ്ങളുടെ പേരില്‍ ഉള്ള നന്ദി അറിയിക്കുന്നു .
കെ എസ് ഇ ബി വകയാര്‍ സെക്ഷന്‍ പരിധിയില്‍ വൈദ്യുത കമ്പിയില്‍ മഹാഗണി ഇനത്തില്‍ ഉള്ള ശിഖരത്തോടെ കൂടിയ കമ്പ് കുരുങ്ങി കിടക്കാന്‍ തുടങ്ങിയിട്ട് ആഴ്ചകള്‍ കഴിഞ്ഞു എന്നുള്ള കോന്നി വാര്‍ത്ത ഓണ്‍ലൈന്‍ പത്രത്തിന്‍റെ വാര്‍ത്തയുടെ അടിസ്ഥാനത്തില്‍ ഉന്നത കെ എസ് ഇ ബി അധികാരികള്‍ ഉടന്‍ ഇടപെട്ടു .ലൈന്‍മാന്‍ സ്ഥലത്ത് എത്തി ലൈനില്‍ നിന്നും കമ്പ് എടുത്തു മാറ്റി .
മൂന്നു ആഴ്ചയായി ശിഖരമടക്കമുള്ള കമ്പ് കെ എസ് ഇ ബി കമ്പിയില്‍ വൈദ്യുത പോസ്റ്റിലും ചുറ്റി കിടക്കാന്‍ തുടങ്ങിയിട്ട് . ചിലര്‍ വകയാര്‍ ഓഫീസില്‍ വിളിച്ചു കാര്യം പറഞ്ഞിട്ടും ജീവനക്കാര്‍ക്ക് അനക്കം ഇല്ലായിരുന്നു .
വകയാര്‍ എം ല്‍ എ പടി- അരുവാപ്പുലം തേക്ക് തോട്ടം റോഡില്‍ ഐ പി സി യുടെ സമീപം മേലേതില്‍ പടിയിലെ പോസ്റ്റിലും ലൈനിലുമായിരുന്നു ശിഖരത്തോടെ ഉള്ള കമ്പ് കുരുങ്ങി കിടന്നത് . ലൈന്‍മാന്മാര്‍ ഇത് വഴി കടന്നു പോകുന്നു എങ്കിലും പോസ്റ്റില്‍ കയറി എടുത്തു കളയാന്‍ ഉള്ള മടി കൊണ്ട് ഈ കമ്പ് ഇവിടെ തന്നെ കിടക്കുന്നു .
ഇത്തരം ഒരു അനാസ്ഥ കണ്ട നാട്ടുകാര്‍ ഫോണില്‍ കൂടി പരാതി പറഞ്ഞിട്ടും ഈ കമ്പ് എടുത്തു കളയാന്‍ അധികൃതര്‍ക്ക് കഴിഞ്ഞിട്ടില്ല . ബന്ധപ്പെട്ട വകുപ്പ് മേധാവികള്‍ ശ്രദ്ധിക്കണംഎന്ന് കോന്നി വാര്‍ത്ത ചിത്രമടക്കം വാര്‍ത്ത നല്‍കി . കൂടാതെ വാര്‍ത്തയുടെ ലിങ്കും കെ എസ് ഇ ബിയിലെ വിവിധ വകുപ്പ് മേധാവികള്‍ക്കും പരാതി പരിഹാര സെല്ലിലും നല്‍കിയതോടെ കോന്നി വകയാര്‍ സെക്ഷന്‍ ഓഫീസ് ഉണര്‍ന്നു . സ്വിച്ചിട്ട വേഗതയില്‍ സ്ഥലത്ത് എത്തുകയും കമ്പ് നീക്കം ചെയ്യുകയും ചെയ്തു . ഉടനടി ഉത്തരവ് നല്‍കിയ കെ എസ് ഇ ബി ഉന്നത അധികാരികള്‍ക്ക് ജനങ്ങളുടെ പേരില്‍ ഉള്ള നന്ദി അറിയിക്കുന്നു .