konnivartha.com : അതിതീവ്ര മഴയുടെയും പ്രളയത്തിന്റെയും പശ്ചാത്തലത്തില്‍ പത്തനംതിട്ട ജില്ലയില്‍ ആരംഭിച്ചിട്ടുള്ള ക്യാമ്പുകളുടെ ഫലപ്രദമായ നടത്തിപ്പിനായി മുതിര്‍ന്ന റവന്യു ഉദ്യോഗസ്ഥരെ ചുമതലപ്പെടുത്തി ജില്ലാ കളക്ടറും ജില്ലാ ദുരന്തനിവാരണ അതോറിറ്റി ചെയര്‍പേഴ്സണുമായ ഡോ. ദിവ്യ എസ്. അയ്യര്‍ ഉത്തരവ് പുറപ്പെടുവിച്ചു. പൊതുചുമതല പത്തനംതിട്ട അഡീഷണല്‍ ജില്ലാ മജിസ്ട്രേട്ടും ഡെപ്യൂട്ടി കളക്ടര്‍ ജനറലുമായ അലക്സ് പി. തോമസിനാണ്(9446504515).
ചുമതല നല്‍കുന്ന താലൂക്ക്, ഉദ്യോഗസ്ഥന്റെ പേര്, പദവി, മൊബൈല്‍ നമ്പര്‍ എന്ന ക്രമത്തില്‍:
അടൂര്‍- തുളസീധരന്‍ നായര്‍, അടൂര്‍ റവന്യൂ ഡിവിഷണല്‍ ഓഫീസര്‍, 9447799827. കോഴഞ്ചേരി- പി.ആര്‍. ഷൈന്‍, പത്തനംതിട്ട എല്‍.ആര്‍ ഡെപ്യൂട്ടി കളക്ടര്‍, 8547610038. റാന്നി-ആര്‍. രാജലക്ഷ്മി, പത്തനംതിട്ട ഇലക്ഷന്‍ ഡെപ്യൂട്ടി കളക്ടര്‍, 8547610037. തിരുവല്ല-കെ. ചന്ദ്രശേഖരന്‍ നായര്‍, തിരുവല്ല റവന്യൂ ഡിവിഷണല്‍ ഓഫീസര്‍, 9447114902. മല്ലപ്പളളി-ടി.എസ് ജയശ്രീ, പത്തനംതിട്ട എല്‍.എ ഡെപ്യൂട്ടി കളക്ടര്‍, 8547610035. കോന്നി-ബി. ജ്യോതി, പത്തനംതിട്ട ആര്‍.ആര്‍ ഡെപ്യൂട്ടി കളക്ടര്‍, 8547610036.
ജില്ലയില്‍ ആരംഭിച്ചിട്ടുളള ക്യാമ്പുകളിലെ അടിസ്ഥാന സൗകര്യങ്ങള്‍ ഉറപ്പുവരുത്തുക, മാറി താമസിച്ചവരുടെ ക്ഷേമം ഉറപ്പുവരുത്തുക എന്നിവയാണ് ഇവരുടെ ചുമതല. ക്യാമ്പുകളുടെ പരിപാലനം ശരിയായ രീതിയില്‍ നടക്കുന്നതിന് റവന്യൂ, തദ്ദേശസ്ഥാപനങ്ങള്‍, പോലീസ്, ആരോഗ്യം, ഭക്ഷ്യ പൊതുവിതരണം, വനിതാ ശിശുകസനം, സാമൂഹ്യ നീതി, വൈദ്യുത ബോര്‍ഡ്, ജല അതോറിറ്റി, ഗതാഗത വകുപ്പുകള്‍ പ്രത്യേക ശ്രദ്ധ നല്‍കണമെന്ന് ഉത്തരവില്‍ നിര്‍ദേശമുണ്ട്.
പുതിയ കണക്ക് അനുസരിച്ച് ജില്ലയിലെ ആറ് താലൂക്കുകളിലായി 141 ക്യാമ്പുകളില്‍ 1875 കുടുംബങ്ങളില്‍പ്പെട്ട 6357 പേരെ നിലവില്‍ മാറ്റി പാര്‍പ്പിച്ചിട്ടുണ്ട്. കൂടാതെ വളരെയധികം ആളുകള്‍ ബന്ധുവീടുകളിലും മറ്റും മാറി താമസിക്കുന്നുണ്ട്.