konnivartha.com: സിപിഐ പത്തനംതിട്ട ജില്ലാ സെക്രട്ടറിയായി ദേശീയ കൗൺസിൽ അംഗം ചിറ്റയം ഗോപകുമാറിനെ തെരഞ്ഞെടുത്തു. നിലവിൽ ഡെപ്യൂട്ടി സ്പീക്കറാണ്.
സിപിഐ ജില്ലാ കൗൺസിൽ അംഗങ്ങൾ
സിപിഐ ജില്ലാ കൗൺസിലിലേക്ക് 45 പേരെയും പകരം പ്രതിനിധികളായി അഞ്ചു പേരെയും തിരഞ്ഞെടുത്തു.
മുണ്ടപ്പളളി തോമസ്, ഡി.സജി, ടി.മുരുകേഷ്, അടൂർ സേതു, കുറുമ്പുകര രാമകൃഷ്ണൻ, കെ.പത്മിനിയമ്മ, ആർ.രാജേന്ദ്രൻ പിള്ള, എം.മധു, എസ്.രാധാകൃഷ്ണൻ, ആർ.ജയൻ, ഏഴംകുളം നൗഷാദ്, സന്തോഷ് പാപ്പച്ചൻ, കെ.എസ്.അരുൺ, പി.ആർ.ഗോപിനാഥൻ, മലയാലപ്പുഴ ശശി, കെ.രാജേഷ്, എ.ദീപകുമാർ, ബീനാ മുഹമ്മദ്റാഫി, സുമതി നരേന്ദ്രൻ, എം.പി.മണിയമ്മ, മിനി മോഹൻ, സത്യാനന്ദപ്പണിക്കർ, സി.കെ. അശോകൻ, ബി.ഹരിദാസ്, ശരത്ചന്ദ്രകുമാർ, ജി.ബൈജു, സി.മണിക്കുട്ടൻ, രേഖ അനിൽ, ബാബുരാജ്, എം.വി.പ്രസന്ന കുമാർ, ലിസി ദിവാൻ, ജോജോ കോവൂർ, സന്തോഷ് കെ.ചാണ്ടി, കെ.സതീഷ്, അനീഷ് ചുങ്കപ്പാറ, കെ.ജി.രതീഷ്കുമാർ, വിജയമ്മ ഭാസ്കർ, ബാബു പാലയ്ക്കൽ, വി.സി.അനിൽകുമാർ, ബിബിൻ ഏബ്രഹാം, വിജയ വിൽസൺ, എസ്.അഖിൽ, സന്തോഷ് കൊല്ലന്‍പടി , എ.പി.ജയൻ, ചിറ്റയം ഗോപകുമാർ.
പകരം പ്രതിനിധികൾ: മങ്ങാട് സുരേന്ദ്രൻ, പി.ടി.ഷിനു, പി.എസ്.റജി, കൃഷ്ണൻകുട്ടി, സുരേഷ്ബാബു
ചിറ്റയം ഗോപകുമാര്‍
കൊല്ലം ജില്ലയിലെ പനയം വില്ലേജിൽ ചിറ്റയം കാട്ടുവിള പുത്തൻ വീട്ടിൽ ടി ഗോപാലകൃഷ്ണൻ്റെയും ടി കെ ദേവയാനിയും മകനായി കർഷക തൊഴിലാളി കുടുംബത്തിൽ 1965 ൽ ജനിച്ചു.
അഞ്ചാലും മൂട്, കൊട്ടാരക്കര എന്നിവിടങ്ങളിൽ വിദ്യാഭ്യാസം. കൊട്ടാർക്കര സെന്റ് ഗ്രീഗോറിയസ് കോളജിൽ എഐഎസ്എഫ് യൂണിറ്റ് സെക്രട്ടറിയായി വിദ്യാർത്ഥി രാഷ്ട്രീയം ആരംഭിച്ചു. അതിനു മുമ്പ് ബാലവേദി പ്രവർത്തനം തുടങ്ങി. എഐഎസ്എഫ് കൊട്ടാരക്കര താലൂക്ക് സെക്രട്ടറി, കൊല്ലം ജില്ലാ വൈസ് പ്രസിഡന്റ്, സംസ്ഥാനകമ്മിറ്റി അംഗം എന്നീ നിലകളിൽ പ്രവർത്തിച്ചു. തുടർന്ന് എഐവൈഎഫിലും എഐടിയുസിയിലും പ്രവർത്തനം ആരംഭിച്ചു.
കർഷക തൊഴിലാളി ഫെഡറേഷൻ (ബികെഎംയു) കൊല്ലം ജില്ലാ സെക്രട്ടറി, സംസ്ഥാനകമ്മിറ്റി അംഗം, ദേശീയ കൗൺസിൽ അംഗം, എഐടിയുസി സംസ്ഥാന വർക്കിംഗ് കമ്മിറ്റി അംഗം, കശുവണ്ടി തൊഴിലാളി യൂണിയൻ കേന്ദ്ര കൗൺസിൽ സംസ്ഥാന സെക്രട്ടറി, ആശാവർക്കേഴ്സ് യൂണിയൻ സംസ്ഥാന പ്രസിഡന്റ്, പട്ടികജാതി വികസന കോർപ്പറേഷൻ സ്റ്റാഫ് യൂണിയൻ പ്രസിഡൻ്റ്, കെടിഡിസി എംപ്ലോയീസ് യൂണിയൻ സംസ്ഥാന പ്രസിഡൻ്റ്, സിപിഐ സംസ്ഥാന കൗൺസിൽ അംഗം എന്നീ നിലകളിൽ പ്രവർത്തിക്കുന്നു. കലാസാംസ്കാരിക സംഘടനയായ ഇപ്റ്റ’, യുവകലാസാഹിതി എന്നീ സംഘടനകളിലും ഇൻ്റർനാഷണൽ ഫെസ്റ്റിവൽ ഓഫ് അടൂർ എന്ന സംഘനയുടെ രക്ഷാധികാരി എന്നീ നിലകളിലും പ്രവർത്തിക്കുന്നു.
1995 ൽ കൊട്ടാരക്കര ഗ്രാമ പഞ്ചായത്ത് പ്രസിഡന്റായിരുന്നു. 2008 ൽ കേരള സ്റ്റേറ്റ് കർഷകതൊഴിലാളി ക്ഷേമനിധി ബോർഡ് ചെയർമാനായിരിക്കെയാണ് 2011 ൽ അടൂരിൽ എൽഡിഎഫ് സ്ഥാനാർത്ഥിയായി വന്നത്. അന്ന് 607 വോട്ടിന് വിജയിച്ചു. 2016 ൽ വീണ്ടും 25,640 വോട്ടിൽ വിജയിച്ചു. കഴിഞ്ഞ നിയമസഭതെരഞ്ഞെടുപ്പിൽ 2,909 വോട്ടിനും വിജയിച്ചു. റിട്ട കർഷകതൊഴിലാളി ക്ഷേമനിധി ഓഫീസർ സി ഷെർളി ബായി ആണ് ഭാര്യ. അമൃത എസ് ജി (ഇംഗ്ലീഷ് വിഭാഗം ഗസ്റ്റ് ലക്ച്ചറർ-സെൻ്റ് സിറിൾസ് കോളജ്, അടൂർ). അനുജ എസ്‌ജി (എൽ എൽ ബി വിദ്യാർത്ഥി തിരുവനന്തപുരം ഗവ: ലോ കോളജ്) എന്നിവർ മക്കൾ.