konnivartha.com; നാളികേര വികസന ബോർഡിൻ്റെ നേര്യമംഗലം വിത്തുൽപാദന പ്രദർശന തോട്ടത്തിൽ പാകി കിളിർപ്പിച്ച പശ്ചിമ തീര നെടിയ (WCT) ഇനം, നാടൻ തെങ്ങിൻ തൈകൾ ബോർഡിന്റെ കൊച്ചി ആസ്ഥാനത്ത് കൃഷിക്കാർക്ക് വിതരണം ചെയ്‌തു.
ഓഫീസ് പരിസരത്ത് നടന്ന ചടങ്ങിൽ മുഖ്യ നാളികേര വികസന ഓഫീസർ ഡോ. ഹനുമന്ത ഗൗഡ തൈ വിതരണം ഉദ്ഘാടനം ചെയ്‌തു. മുൻ കൂട്ടി ബുക്കു ചെയ്‌ത കൃഷിക്കാർക്ക് ഏകദേശം 2000 ത്തോളം തൈകൾ നൂറു രൂപ നിരക്കിൽ വിൽപ്പന നടത്തി. ഒരു വർഷം പ്രായമുള്ളതും നല്ല ഗുണമേന്മയുള്ളതുമായ തൈകളാണ് നേര്യമംഗലത്തു നിന്ന് കൊച്ചിയിൽ വിതരണത്തിനായി കൊണ്ടുവന്നത്.
തെങ്ങിൻ തൈകൾ കൂടാതെ ഫാമിൽ വിളയിച്ച മരച്ചീനി, വാഴക്കുല ഉൾപ്പെടെയുള്ള ജൈവ കാർഷികോൽപ്പങ്ങളും വിൽപ്പനയ്ക്ക് എത്തിച്ചിരുന്നു. വിപണി വിലയെക്കാൾ കുറഞ്ഞ നിരക്കിലാണ് ഇവ വില്‌പന നടത്തിയത്. എല്ലാ മാസവും നേര്യംമംഗലത്തു നിന്നുള്ള തെങ്ങിൻ തൈകളുടെയും മറ്റ് ഉൽപ്പങ്ങളുടെയും വിൽപ്പന ബോർഡിൽ ഉണ്ടായിരിക്കുമെന്നും അധികൃതർ അറിയിച്ചു. തെങ്ങിൻ തൈകൾ ആവശ്യമുള്ളവർ, നേര്യമംഗലം ഫാമുമായി ബന്ധപ്പെട്ട് അവ മുൻകൂട്ടി ബുക്കു ചെയ്യാവുന്നതാണ്. (ഫോൺ – 0485 255 4240).
One Day Market” initiative for sale of farm produces at CDB Head Office Kochi organized by DSP Farm Neriamangalam inauguration by Dr.B Hanumanthe Gowda, CCDO, CDB on 28th November 2025
