Editorial Diary Archives - Page 232 of 405

ശബരിമലയിലെ ആ ശബ്ദം നിലച്ചു:ശ്രീനിവാസ് സ്വാമി വാഹനാപകടത്തില്‍ മരിച്ചു

ജൂൺ 12, 2023ജൂൺ 12, 2023 News Editor

konnivartha.com : ശബരിമല സന്നിധാനത്തെ പബ്ലിസിറ്റി കം പബ്ലിക് ഇന്‍ഫെര്‍മേഷന്‍ സെന്ററില്‍ വിവിധ ഭാഷാ അനൗണ്‍സറായി സേവനം അനുഷ്ഠിച്ച വന്നിരുന്ന ശ്രീനിവാസ് സ്വാമി (63) വാഹനാപകടത്തില്‍ മരണമടഞ്ഞു. ബാഗ്ലൂരില്‍ വച്ച് അദ്ദേഹം ഓടിച്ച സ്‌കൂട്ടറില്‍ കാര്‍ ഇടിച്ചാണ് അപകടം സംഭവിച്ചത്.ആശുപത്രിയിലെത്തിച്ചെങ്കിലും ജീവന്‍ രക്ഷിക്കാന്‍ ആയില്ല.കഴിഞ്ഞ 25 വര്‍ഷമായി ശബരിമലയിലെ പബ്ലിസിറ്റിയിലെ നിറസാന്നിധ്യം. തമിഴ്, തെലുങ്ക്, കന്നട, മലയാളം, ഇംഗ്ലീഷ്, ഹിന്ദി എന്നിവയില്‍ അയ്യപ്പഭക്തര്‍ക്ക് വിവരങ്ങള്‍ കൈമാറിയിരുന്നു.സംസ്‌കാരം നാളെ വൈകിട്ട് മൂന്ന് മണിക്ക് നടക്കും. അഞ്ചുഭാഷകളിൽ അറിയിപ്പു നൽകി ഭക്തർക്ക് സഹായം നൽകുകയാണ് ശ്രീനിവാസ് സ്വാമി അഞ്ചുഭാഷകളിൽ അറിയിപ്പു നൽകി ഭക്തർക്ക് സഹായം നൽകുകയാണ് ശ്രീനിവാസ് സ്വാമി. ബാഗ്ലൂർ, മേടഹള്ളി സ്വദേശിയായ ഇദ്ദേഹത്തിന്റെ സേവനം വര്‍ഷങ്ങളായി ഇവിടെയുണ്ട്. കന്നഡ കൂടാതെ തമിഴ്, തെലുങ്ക്, ഇംഗ്ലീഷ്,ഹിന്ദി ഭാഷകളിലും അദേഹം അറിയിപ്പുകളില്‍ നല്‍കിയിരുന്നു .മണ്ഡല മകരവിളക്ക് കാലത്ത് ശബരിമലയില്‍ ദര്‍ശനത്തിന്…

ഹൃദ്യം വഴി 6000 ലധികം കുഞ്ഞുങ്ങൾക്ക് സൗജന്യ ഹൃദയ ശസ്ത്രക്രിയ നടത്തി

ജൂൺ 12, 2023ജൂൺ 12, 2023 News Editor

ആരോഗ്യ വകുപ്പിന്റെ ഹൃദ്യം പദ്ധതിയിലൂടെ 6,015 കുഞ്ഞുങ്ങൾക്ക് സൗജന്യ ഹൃദയ ശസ്ത്രക്രിയ നടത്തിയതായി ആരോഗ്യ വകുപ്പ് മന്ത്രി വീണാ ജോർജ്. ഈ വർഷം ഇതുവരെ 561 കുഞ്ഞുങ്ങൾക്ക് ഹൃദയ ശസ്ത്രക്രിയ നടത്താനായി. ഹൃദ്രോഗത്തിന്റെ തീവ്രതയനുസരിച്ച് കാലതാമസമില്ലാതെ കുഞ്ഞുങ്ങൾക്ക് വിദഗ്ധ ചികിത്സ ലഭ്യമാക്കാൻ വലിയ ഇടപെടലുകളാണ് സർക്കാർ നടത്തി വരുന്നത്. കഴിഞ്ഞയാഴ്ച വിളിച്ചു ചേർത്ത അവലോകന യോഗത്തിൽ ഹൃദ്യം പദ്ധതി വഴി ഹൃദയ ശസ്ത്രക്രിയ നടത്താൻ കൂടുതൽ ആശുപത്രികളിൽ സൗകര്യങ്ങളൊരുക്കാൻ തീരുമാനിച്ചിട്ടുണ്ട്. കുഞ്ഞുങ്ങളുടെ ഹൃദയ ശസ്ത്രക്രിയാസംവിധാനം ശക്തിപ്പെടുത്തുന്നതിന് നാലംഗ വിദഗ്ധ സമിതി രൂപീകരിച്ചതായും മന്ത്രി വ്യക്തമാക്കി. ജന്മനായുള്ള ഹൃദ്രോഗം സമയബന്ധിതമായി ഹൃദയ ശസ്ത്രക്രിയ നടത്തി കുഞ്ഞുങ്ങളെ മരണത്തിൽ നിന്നും രക്ഷപ്പെടുത്താനാകും. 9 സർക്കാർ, സ്വകാര്യ ആശുപത്രികൾ ഇതിനായി എംപാനൽ ചെയ്തിട്ടുണ്ട്. കോഴിക്കോട് മെഡിക്കൽ കോളജ്, എറണാകുളം ജനറൽ ആശുപത്രി ഉൾപ്പെടെ കൂടുതൽ ആശുപത്രികളിൽ കുഞ്ഞുങ്ങളുടെ ഹൃദയ ശസ്ത്രക്രിയ…

ദാ പുതിയ നിയമം : നിയമസഭ ചിത്രീകരണത്തിന് നിയന്ത്രണം

ജൂൺ 12, 2023ജൂൺ 12, 2023 News Editor

konnivartha.com : സുരക്ഷാ ക്രമീകരണത്തിന്റെ ഭാഗമായി നിയമസഭാ മന്ദിരത്തിലും നിയമസഭാ ഹോസ്റ്റൽ പരിസരത്തും മുൻകൂർ അനുമതിയില്ലാതെ ഫോട്ടോ എടുക്കുന്നതും വീഡിയോ, സിനിമ എന്നിവയുടെ ചിത്രീകരണവും കർശനമായി നിരോധിച്ചതായി നിയമസഭാ സെക്രട്ടറി അറിയിച്ചു. ഈ രീതിയെ ജനം എങ്ങനെ നോക്കിക്കാണും ജനം തെരഞ്ഞെടുത്ത എം എല്‍ എ അവര്‍ തിരഞ്ഞെടുത്ത മന്ത്രി , അതില്‍ നിന്നും വന്ന മുഖ്യമന്ത്രി എന്നിവരുടെ മുഖം പോലും ഇനി നിയമസഭയില്‍ നിന്നും കാണാന്‍ കഴിയില്ല . നിയമസഭ എന്നത് അടച്ചു മൂടിയ കെട്ടിടം ആണ് എന്ന് ജനം കരുതണോ . നിയമസഭാ മന്ദിരം അടച്ചു പൂട്ടുവാന്‍ ഉള്ളത് അല്ല . തുറന്നു ഇടുക .അതില്‍ നടക്കുന്ന സംഭാക്ഷണം ജനം അറിയണം .കാരണം ജനം ആണ് അതില്‍ ഉള്ള എല്ലാവരെയും തിരഞ്ഞെടുത്തത് . അവരുടെ സംസാരം കേള്‍ക്കണം . ദയവായി ചിത്രീകരണം തടയരുത്…

ക്ഷീരോൽപാദനത്തില്‍ സംസ്ഥാനം സ്വയം പര്യാപ്തത കൈവരിക്കും : മന്ത്രി വീണാ ജോര്‍ജ്

ജൂൺ 10, 2023ജൂൺ 10, 2023 News Editor

ക്ഷീരോൽപാദനത്തില്‍ സ്വയംപര്യാപ്തത കൈവരിക്കുന്ന സംസ്ഥാനമായി കേരളം മാറുമെന്ന് ആര്യോഗ്യ, വനിതാ ശിശു വികസന വകുപ്പ് മന്ത്രി വീണാ ജോര്‍ജ് പറഞ്ഞു. പുതുശേരിഭാഗം ക്ഷീരോല്‍പാദക സഹകരണസംഘം ക്ഷീരസംഘം പുതിയതായി നിർമിച്ച കെട്ടിടത്തിന്റെ ഉദ്ഘാടനം നിര്‍വഹിച്ച് സംസാരിക്കുകയായിരുന്നു മന്ത്രി. സമൂഹത്തിന് ക്ഷീര കര്‍ഷകര്‍ നല്‍കുന്ന സംഭാവന വളരെ വലുതാണ്. കാലാവസ്ഥ വ്യതിയാനങ്ങളില്‍ വരുന്ന മാറ്റങ്ങൾ, വനമേഖലയുമായി ബന്ധപ്പെട്ട് വന്യ ജീവികളുടെ ആക്രമണം തുടങ്ങിയ സാഹചര്യങ്ങളില്‍ നിന്നും ക്ഷീരോത്പാദക മേഖലയെ മുന്നോട്ട് കൊണ്ടുപോകുന്നതിന് ആവശ്യമായ പിന്തുണ നല്‍കി വികസന നേട്ടങ്ങളിലേക്ക് എത്തിക്കാനാണ് സംസ്ഥാന സര്‍ക്കാരും ക്ഷീര വകുപ്പും ശ്രമിക്കുന്നതെന്നും പുതിയ പദ്ധതികള്‍ ആവിഷ്‌കരിക്കുന്നതെന്നും മന്ത്രി പറഞ്ഞു. കൂട്ടായ സഹകരണത്തോടെ ക്ഷീര സംഘവും മില്‍മയും, മുംബൈ മലയാളികളും, വകുപ്പ് ഉദ്യോഗസ്ഥരും ചേര്‍ന്ന് നിശ്ചിത തുക സമാഹരിച്ച് ഇടിമിന്നലേറ്റ് നാല് പശുക്കളെ നഷ്ടപെട്ട ക്ഷീര കര്‍ഷകരെ ചേര്‍ത്ത് പിടിക്കുന്ന പുതുശേരിഭാഗം ക്ഷീരോല്‍പാദക സഹകരണസംഘത്തിന്റെ…

സെപ്റ്റംബർ 1 മുതൽ ഹെവി വാഹന ഡ്രൈവർമാരും സീറ്റ് ബെൽറ്റ് ധരിക്കണം

ജൂൺ 9, 2023 News Editor

konnivartha.com : എ.ഐ. ക്യാമറ സ്ഥാപിച്ചതിനു ശേഷം സംസ്ഥാനത്ത് റോഡ് അപകടമരണ നിരക്ക് കുറഞ്ഞതായി ഗതാഗത മന്ത്രി ആന്റണി രാജു. കേരളത്തിൽ ശരാശരി പന്ത്രണ്ട് റോഡ് അപകടമരണങ്ങളാണ് പ്രതിദിനം ഉണ്ടായിരുന്നത്. എന്നാൽ ക്യാമറ സ്ഥാപിച്ചതിനു ശേഷം 5 മുതൽ 8 വരെയായി കുറഞ്ഞു. ക്യാമറകളുടെ പ്രവർത്തന അവലോകനത്തിനായി ചേർന്ന ഉന്നതല യോഗത്തിന് ശേഷം മാധ്യമങ്ങളോട് സംസാരിക്കുകയായിരുന്നു മന്ത്രി. ക്യാമറകൾ പ്രവർത്തനം ആരംഭിച്ച ജൂൺ 5 രാവിലെ 8 മണി മുതൽ ജൂൺ 8 രാത്രി 12 മണി വരെ 3,52,730 നിയമലംഘനങ്ങളാണ് കണ്ടെത്തിയത്. ഇതിൽ 80,743 എണ്ണം കെൽട്രോൺ സ്ഥിരീകരിച്ചു. 19,790 കേസുകൾ ഇന്റഗ്രേറ്റഡ് ട്രാൻസ്‌പോർട്ട് മോണിറ്ററിംഗ് സിസ്റ്റത്തിൽ അപ്‌ലോഡ്‌ ചെയ്തു. 10,457 ചെല്ലാനുകൾ മോട്ടോർ വാഹന വകുപ്പ് അംഗീകരിച്ച് അയച്ചിട്ടുണ്ട്. ഹെവി വാഹനങ്ങൾക്ക് നിയമപ്രകാരം സീറ്റ് ബെൽറ്റ് നിർബന്ധമാണെങ്കിലും ഇപ്പോൾ അത്തരം നിയമലംഘനങ്ങൾ കണക്കിലെടുക്കുന്നില്ല.…

പത്തനംതിട്ട ജില്ലയിലെ പ്രധാന അറിയിപ്പുകള്‍ ( 08/06/2023)

ജൂൺ 8, 2023 News Editor

പി എസ് സി അഭിമുഖം പത്തനംതിട്ട ജില്ലയിലെ വിദ്യാഭ്യാസ വകുപ്പിലെ ഫിസിക്കല്‍ എഡ്യൂക്കേഷന്‍ ടീച്ചര്‍ (യുപിഎസ്) (കാറ്റഗറി നം: 525/2019) തസ്തികയുടെ ചുരുക്കപ്പട്ടികയില്‍ ഉള്‍പ്പെട്ട ഉദ്യോഗാര്‍ഥികള്‍ക്കായി ജൂണ്‍ 14 നും പത്തനംതിട്ട ജില്ലയിലെ വിദ്യാഭ്യാസ വകുപ്പിലെ ഹൈസ്‌കൂള്‍ ടീച്ചര്‍ (മാത്തമാറ്റിക്സ്)(മലയാളം മീഡിയം) (കാറ്റഗറി നം:383/2020) തസ്തികയുടെ ചുരുക്കപ്പട്ടികയില്‍ ഉള്‍പ്പെട്ട ഉദ്യോഗാര്‍ഥികള്‍ക്കായി ജൂണ്‍ 15, 16 തീയതികളില്‍ പത്തനംതിട്ട ജില്ലാ പിഎസ്സി ഓഫീസില്‍ അഭിമുഖം നടത്തും. പത്തനംതിട്ട ജില്ലയിലെ വിദ്യാഭ്യാസ വകുപ്പിലെ ഹൈസ്‌കൂള്‍ ടീച്ചര്‍ (ഹിന്ദി) (കാറ്റഗറി നം:562/2021) തസ്തികയുടെ ചുരുക്കപ്പട്ടികയില്‍ ഉള്‍പ്പെട്ട ഉദ്യോഗാര്‍ഥികള്‍ക്കായി ജൂണ്‍ 16 ന് കൊല്ലം മേഖലാ പി.എസ്.സി ഓഫീസില്‍ അഭിമുഖം നടത്തും. ഉദ്യോഗാര്‍ഥികള്‍ വണ്‍ടൈം വെരിഫിക്കേഷന്‍ സര്‍ട്ടിഫിക്കറ്റിനോടൊപ്പം ജനനതീയതി, ജാതി, യോഗ്യതകള്‍, ഇവ തെളിയിക്കുന്ന അസല്‍ സര്‍ട്ടിഫിക്കറ്റുകള്‍, വ്യക്തിവിവരക്കുറിപ്പ് (പ്രൊഫൈലില്‍ ലഭ്യമാക്കിയിട്ടുളളത്) എന്നിവ സഹിതം അഭിമുഖത്തിന് ഹാജരാകണം. ഫോണ്‍: 0468 2222665. ഐ.എച്ച്.ആര്‍.ഡി…

അനി സാബു തോമസ് കോന്നി പഞ്ചായത്തിലെ അടുത്ത പ്രസിഡണ്ട്

ജൂൺ 7, 2023ജൂൺ 7, 2023 News Editor

konnivartha.com : കോന്നി പഞ്ചായത്ത് വകയാര്‍ പതിമൂന്നാം വാഡിലെ മെമ്പര്‍ അനി സാബു തോമസ് കോന്നി പഞ്ചായത്തില്‍ അടുത്ത പ്രസിഡണ്ട്. നിലവില്‍ ഉള്ള സുലേഖ വി നായര്‍ യു ഡി എഫിലെ ധാരണ പ്രകാരം ഈ മാസം പത്തിന് രാജി വെയ്ക്കും . പാര്‍ട്ടിയുടെ തീരുമാനം അനുസരിച്ചാണ് സുലേഖ വി നായര്‍ സ്ഥാനം ഒഴിയുന്നത് . രണ്ടര വര്‍ഷം മാത്രം ആണ് സ്ഥാനത്ത് ഇരിക്കാന്‍ യോഗ്യത നേടിയത് . സ്ഥിരം സമിതി അധ്യക്ഷരും ഇതോടെ മാറും . നിലവില്‍ ശോഭ മുരളി പി എച്ച് ഫൈസല്‍ , ലിസിയാമ്മ ജോഷ്യ എന്നിവര്‍ മാറും . ലതിക കുമാരി ,തോമസ്‌ കാലായില്‍ , ആര്‍ .രഞ്ചു , എന്നിവര്‍ വരും . കോന്നി പഞ്ചായത്തില്‍ നിലവില്‍ 18 വാര്‍ഡില്‍ യു ഡി എഫ് 12, എല്‍ ഡി…

പ്രൊഫ. കെ.വി.തമ്പി പത്താമത് അനുസ്മരണം : മികച്ച മാധ്യമ പ്രവർത്തകനുള്ള അവാർഡ് ബിജു കുര്യന് നൽകി

ജൂൺ 7, 2023ജൂൺ 7, 2023 News Editor

konnivartha.com പത്തനംതിട്ട : പ്രശസ്ത അദ്ധ്യാപകനും,സാഹിത്യക്കാരനുംനടനും,പത്രപ്രവർത്തകനുമായിരുന്ന പ്രൊഫ കെ.വി തമ്പിയുടെ പത്താമത് അനുസ്മരണം പ്രൊഫ. കെ.വി തമ്പി സൗഹ്യദ വേദിയുടെ ആഭിമുഖ്യത്തിൽ പത്തനംതിട്ട പ്രസ് ക്ലബ് ഹാളിൽ നടന്നു. സാംസ്കാരിക മേഖലയെ സജീവമാക്കാൻ നിരവധി പ്രവർത്തനങ്ങൾ നടത്തിയ കെ.വി.തമ്പിയുടെ ഓർമ്മകളുമായി സാഹിത്യ, മാദ്ധ്യമ, സുഹൃത്ത് മേഖലയിലെയും പ്രമുഖർ ചടങ്ങിൽ പങ്കെടുത്തു. പ്രതിഭാ ശേഷിയുണ്ടായിട്ടും അവഗണിക്കപ്പെട്ടവർ സമൂഹത്തിലുണ്ടെന്നും തമ്പിമാഷിനെപ്പോലെയുള്ളവർ അതിന് ഉദാഹരണമാണ്. ഇതോടനുബന്ധിച്ച് മികച്ച മാധ്യമ പ്രവർത്തകനുള്ള രണ്ടാമത്തെ അവാർഡ് ദീപിക പത്തനംതിട്ട ബ്യൂറോ ചീഫ് ബിജു കുര്യന് പത്തനംതിട്ട കാതോലിക്കേറ്റ് പ്രിൻസിപ്പൽ ഡോ. സുനിൽ ജേക്കബ് വിതരണം ചെയ്തു. യുവ സാഹിത്യക്കാരൻ വിനോദ് ഇളകെള്ളൂർ പ്രൊഫ. കെ.വി തമ്പി അനുസ്മരണം നടത്തി. പത്തനംതിട്ട പ്രസ് ക്ലബ് ജില്ല പ്രസിഡൻ്റ് സജിത് പരമേശ്വരൻ ചടങ്ങിൽ അദ്ധ്യക്ഷത വഹിച്ചു. പ്രൊഫ. കെ.വി.തമ്പി സൗഹൃദവേദി സെക്രട്ടറി സലിം പി. ചാക്കോ,…

കോന്നി മെഡിക്കൽ കോളേജ് പ്രിൻസിപ്പൽ ഡോക്ടർ മിറിയം വർക്കിക്ക് യാത്ര അയപ്പ് നൽകി

ജൂൺ 6, 2023ജൂൺ 6, 2023 News Editor

konnivartha.com :കോന്നി ഗവൺമെന്റ് മെഡിക്കൽ കോളേജ് പ്രിൻസിപ്പൽ ഡോ. മിറിയം വർക്കിക്ക് യാത്ര അയപ്പ് നൽകി.ആലപ്പുഴ മെഡിക്കൽ കോളേജ് പ്രിൻസിപ്പാളായാണ് സ്‌ഥലം മാറ്റം.കോന്നി മെഡിക്കൽ കോളേജിന്റെ നാൾ വഴികളിൽ നിർണായക പങ്ക് വഹിച്ചാണ് പടിയിറങ്ങുന്നത്. കോന്നി മെഡിക്കൽ കോളേജിലെ ആദ്യ ബാച്ച് വിദ്യാർത്ഥി പ്രവേശനം നേടിയതും രണ്ടാമത്തെ ബാച്ചിനുള്ള അനുമതി നേടിയതും ഡോ.മിറിയം വർക്കിയുടെ കാലത്താണ്.മെഡിക്കൽ കോളേജ് അധ്യാപകരും വിദ്യാർത്ഥികളും ജീവനക്കാരും ചേർന്ന് നൽകിയ യാത്രയയപ്പ് സമ്മേളനം അഡ്വ. കെ യു ജനീഷ് കുമാർ എം എൽ എ ഉദ്ഘാടനം ചെയ്തു. മെഡിക്കൽ കോളേജ് ആശുപത്രി സൂപ്രണ്ട് ഡോ. ഷാജി എ അധ്യക്ഷനായി. മെഡിക്കൽ കോളേജിലെ കുട്ടികൾക്ക് ഒരമ്മയുടെ സ്നേഹവും കരുതലും നൽകിയിരുന്ന വ്യക്തിത്വമാണ് ഡോ. മിറിയം വർക്കിയെന്നു അഡ്വ. കെ യു ജനീഷ് കുമാർ എം എൽ എ പറഞ്ഞു.ഒരു വർഷമാണ് ഡോ. മിറിയം…

ഹരിതകേരളത്തിനായി നമുക്ക് ഒന്നിച്ച് കൈ കോര്‍ക്കാം : ഡെപ്യൂട്ടി സ്പീക്കര്‍

ജൂൺ 5, 2023 News Editor

ഹരിതകേരളത്തിനായി ആളുകള്‍ ഒന്നിച്ച് ഒരേ മനസോടെ കൈ കോര്‍ക്കണമെന്ന് ഡെപ്യൂട്ടി സ്പീക്കര്‍ ചിറ്റയം ഗോപകുമാര്‍ പറഞ്ഞു. മാലിന്യമുക്തം നവകേരളം കാമ്പയിന്റെ ഭാഗമായി തുമ്പമണ്‍ പഞ്ചായത്തിലെ ഹരിതസഭയുടെ ഉദ്ഘാടനം നിര്‍വഹിച്ചു സംസാരിക്കുകയായിരുന്നു അദ്ദേഹം. മാര്‍ച്ച് 15 മുതല്‍ ജൂണ്‍ ഒന്നുവരെ കാമ്പയിന്റെ ഭാഗമായി നടന്ന പ്രവര്‍ത്തനങ്ങളുടെ അവലോകനവും വിലയിരുത്തലുമാണ് ഹരിതസഭയുടെ ഭാഗമായി നടന്നത്. ചടങ്ങില്‍ ഗ്രാമപഞ്ചായത്ത് പ്രസിഡന്റ് റോണി സഖറിയ പരിസ്ഥിതി ദിന സന്ദേശം നല്‍കി. പഞ്ചായത്ത് വൈസ് പ്രസിഡന്റ് അഡ്വ. രാജേഷ്, തോമസ് ടി വര്‍ഗീസ്, രേഖ അനില്‍, ലാലി ജോണ്‍, മോനി ബാബു, മറിയാമ്മ, കെ.കെ. അമ്പിളി, ഷിനു മോള്‍ എബ്രഹാം, ഡി. ചിഞ്ചു, കെ.സി. പവിത്രന്‍, ഗീത റാവു, രാധിക, പി.എ. ഷാജു, വിനോദ് കുമാര്‍, ബിജു പിള്ള, ഡോ. കെ.എസ്. രാശി മോള്‍, ബീന വര്‍ഗീസ് തുടങ്ങിയവര്‍ ചടങ്ങില്‍ സംസാരിച്ചു.