പകര്‍ച്ചപ്പനി പ്രതിരോധം : പത്തനംതിട്ടയില്‍ കണ്‍ട്രോള്‍ റൂം തുറന്നു

പകര്‍ച്ചപ്പനി പ്രതിരോധ പ്രവര്‍ത്തനങ്ങളുടെ ഭാഗമായി പൊതുജനങ്ങളുടെ സംശയ നിവാരണത്തിനായി ആരോഗ്യ കേരളം ജില്ലാ ഓഫീസില്‍ 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂം തുറന്നു. പൊതുജനാരോഗ്യ പ്രവര്‍ത്തനങ്ങള്‍, ആശുപത്രികളിലെ മരുന്ന് ലഭ്യത, രോഗീ പരിചരണം, ശുചിത്വ നിലവാരം തുടങ്ങിയവയും ജനങ്ങള്‍ക്കുണ്ടാകുന്ന മറ്റു ബുദ്ധിമുട്ടുകളും പരാതികളും ഏതു സമയത്തും 0468 2325504 എന്ന നമ്പരിലോ 0471 2552056, 1056 (ടോള്‍ ഫ്രീ) എന്നീ നമ്പരുകളിലോ അറിയിക്കണമെന്ന് ആരോഗ്യ കേരളം ജില്ലാ പ്രോഗ്രാം മാനേജര്‍ അറിയിച്ചു.