പത്തനംതിട്ട കുമ്പഴയില്‍ കടത്തിണ്ണയിൽ ഇരിക്കുകയായിരുന്ന രണ്ടുപേരെ തെരുവ് നായക്കൂട്ടംകടിച്ചു . ഒരാളുടെ ജനനേന്ദ്രിയം നായ്ക്കൾ കടിച്ചുമുറിച്ചു. ചെങ്ങറ സ്വദേശി വെങ്കിടേഷ് (61), കൂടൽ നെടുമണ്‍കാവ് സ്വദേശി ഡേവിഡ് (50) എന്നിവര്‍ക്കാണ് പരിക്ക് . മത്സ്യ ചന്തയായ കുമ്പഴയില്‍ സുഹൃത്തുക്കളായ ഇരുവരും കടവരാന്തയിൽ സംസാരിച്ചിരിക്കുമ്പോള്‍ തെരുവ് നായകള്‍ കൂട്ടമായി ആക്രമിച്ചു . നായക്കൂട്ടം ഇരുവരെയും കടിച്ചു കുടഞ്ഞു . നിലവിളി ശബ്ദം കേട്ടാണ് സമീപ വാസികള്‍ ഓടിക്കൂടിയത്. രക്തത്തിൽ കുളിച്ചുകിടന്ന ഇവരെ പോലീസ് സഹായത്തോടെയാണ് ആശുപത്രിയിൽ പ്രവേശിപ്പിച്ചത്.
ജനനേന്ദ്രിയത്തിനു കടിയേറ്റ് കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിക്കപ്പെട്ട വെങ്കിടശ്വേരന്‍റെ ആരോഗ്യനില ഗുരുതരമാണ്.അടിയന്തിര ശാസ്ത്ര ക്രിയകള്‍ നടത്തി .കുമ്പഴയില്‍ മൊത്ത വിതരണ മത്സ്യ ചന്ത പ്രവര്‍ത്തിക്കുന്നുണ്ട്.ഇവിടെ നൂറു കണക്കിന് തെരുവ് നായ്ക്കള്‍ മത്സ്യ അവശിഷ്ടം തിന്ന് കഴിയുന്നുണ്ട്.പത്തനംതിട്ട ജില്ലയില്‍ ഈ വര്‍ഷം മാത്രം നൂറ്റി പതിനേഴു ആളുകളെ തെരുവ് നായ കടിച്ചിട്ടുണ്ട്‌ എന്നാണ് ജില്ലാ മെഡിക്കല്‍ ഓഫീസില്‍ നിന്നും അറിയുന്നത് .