നദിയിലൂടെ ചത്ത് ഒഴുകി വന്ന ഒരാനയെ വനം വകുപ്പ് കണ്ടെത്തി
കോന്നി വാര്‍ത്ത ഡോട്ട് കോം : ഇന്ന് രാവിലെ അച്ചന്‍ കോവില്‍ നദിയിലൂടെ ചത്ത് ഒഴുകി വന്ന മൂന്നാനകളില്‍ ഒരു ആനയെ വനം വകുപ്പ് രാത്രിയോടെ കണ്ടെത്തിയതായി വന പാലകര്‍ കോന്നി വാര്‍ത്ത ഡോട്ട് കോമിനോടു പറഞ്ഞു . കുമ്മണ്ണൂര്‍ ഫോറസ്റ്റ് സ്റ്റേഷന്‍ പരിധിയിലെ അര്‍ത്തകണ്ടന്‍ മൂഴി കടവിന് സമീപം തിട്ടയോട് ചേര്‍ന്ന് പടപ്പിന് ഉള്ളില്‍ ആണ് ചരിഞ്ഞ ഒരാനയെ കണ്ടെത്തിയത് .രാത്രി ആയതോടെ വനം വകുപ്പ് പ്രദേശത്ത് കാവല്‍ ഏര്‍പ്പെടുത്തി തുടര്‍ നടപടികള്‍ നാളെ രാവിലെ നടക്കും .
ഒരു കൊമ്പന്‍ ആനയും രണ്ടു കുട്ടിയാനകളും ആണ് അച്ചന്‍ കോവില്‍ നദിയിലൂടെ രാവിലെ ഒഴുകി വന്നത് . നദിയില്‍ രാവിലെ വെള്ളം പൊങ്ങിയതോടെ ആണ് ആനകള്‍ ചരിഞ്ഞ നിലയില്‍ ഒഴുകി എത്തിയത് . കല്ലേലി ഞണവാല്‍ ചെക്ക് പോസ്റ്റ് താഴെ വരെ ഒഴുകിയെത്തിയ ആനയെ കണ്ടെങ്കിലും പിന്നീട് വെള്ളത്തില്‍ മുങ്ങി .അതില്‍ ഒരാനയെയാണ് അല്‍പ്പം മുന്‍പ് ചെക്ക് പോസ്റ്റിനും അര്‍ത്തകണ്ടന്‍ മൂഴി കടവിനും ഇടയില്‍ പടപ്പിന് ഉള്ളില്‍ കണ്ടത് . മറ്റ് രണ്ടാനകളെ കണ്ടെത്താന്‍ വന പാലകര്‍ അന്വേഷണം നടത്തുന്നു .