konnivartha.com : സാമൂഹികപ്രവർത്തക ഡോ.എം.എസ്.സുനിൽ ഭവനരഹിതരായി സ്വന്തം വസ്തുവിൽ കുടിലുകളിൽ താമസിക്കുന്ന നിരാലംബരായ കുടുംബങ്ങൾക്ക് പണിത് നൽകുന്ന 230ാമത് സ്നേഹഭവനം ഇലവുംതിട്ട അയത്തിൽ ചക്കാലയിൽ പുത്തൻവീട്ടിൽ ആശയ്ക്കും കുടുംബത്തിനുമായി ചിക്കാഗോ മലയാളിയായ സക്കറിയ എബ്രഹാമിന്റെ സഹായത്താൽ നിർമ്മിച്ചു നൽകി. വീടിന്റെ താക്കോൽ ദാനവും ഉദ്ഘാടനവും മെഴുവേലി പഞ്ചായത്ത് പ്രസിഡന്റ് പിങ്കി ശ്രീധർ നിർവഹിച്ചു.
വർഷങ്ങളായി സ്വന്തമായി വീടില്ലാതെ അടച്ചുറപ്പില്ലാത്ത ചെറിയ ഒരു കുടിലിലായിരുന്നു ഭർത്താവ് ഉപേക്ഷിച്ച ആശയുടെയും കുഞ്ഞുങ്ങളുടെയും ജീവിതം. ഇവരുടെ ദുരിതപൂർണ്ണമായ ജീവിതം കാണുവാൻ ഇടയായ ടീച്ചർ ഇവർക്കായി രണ്ട് മുറികളും അടുക്കളയും ഹാളും ശുചിമുറിയും സിറ്റൗട്ടും അടങ്ങിയ വീട് നിർമ്മിച്ച് കൊടുക്കുകയായിരുന്നു. ചടങ്ങിൽ മുൻ ഡെപ്യൂട്ടി കളക്ടർ ജയ്സിംഗ്., കെ.പി. ജയലാൽ., മോഹനദാസ് എന്നിവർ പ്രസംഗിച്ചു.