konnivartha.com : കാടുകളില്‍ കണ്ടു വരുന്ന കരിങ്കുരങ്ങ് കോന്നിയില്‍ വിലസുന്നു . കഴിഞ്ഞ ദിവസം കോന്നി ചന്ത ഭാഗത്ത്‌ നിരവധി വീട്ടു മരങ്ങളില്‍ കയറിയ ഈ വന്യ ജീവി ഇന്ന് ചൈനാ മുക്ക് മഠത്തില്‍ കാവ് ഭാഗത്ത്‌ എത്തി .
കോന്നി മഠത്തിൽ കാവ് പുലയൻ പറമ്പിൽ ശശിധരന്‍റെ പറമ്പിൽ എത്തിയ കരിങ്കുരങ്ങ് അവിടെ ഉള്ള ഒരു മരത്തില്‍ കയറിക്കൂടി . കാക്കകള്‍ കൊത്താന്‍ എത്തിയതോടെ ഇവിടെ നിന്നും സ്ഥലം വിട്ടു . കോന്നി മങ്ങാരം വയലാത്തല സലിന്‍ വയലാത്തലയുടെ പറമ്പിലെ ഇടതൂര്‍ന്ന മരങ്ങളില്‍ ആണ് ഇതിനെ ആദ്യം കണ്ടത് .മാനും മറ്റും ഇവിടെ നേരത്തെ എത്തിയിരുന്നു . മുരിങ്ങമംഗലം ഭാഗത്ത്‌ കഴിഞ്ഞ ദിവസം കുട്ടിതേവാങ്കിനെയും കണ്ടിരുന്നു .
വനത്തിലെ സ്വാഭാവിക ആവാസ്ഥ വ്യവസ്ഥ നഷ്ടമാകുമ്പോള്‍ ആണ് വന്യ മൃഗങ്ങള്‍ സ്വരക്ഷയ്ക്ക് വേണ്ടിയും ആഹാരത്തിനു വേണ്ടിയും കാട് ഇറങ്ങുന്നത് . വനത്തിലെ പല നീരുറവകളും വറ്റി . വന്യ മൃഗങ്ങള്‍ക്ക് കഴിക്കാന്‍ ഉള്ള ഫല വര്‍ഗം അടങ്ങിയ മരങ്ങള്‍ കുറവ് വന്നു . വനം വകുപ്പ് വനത്തില്‍ നട്ട് പിടിപ്പിക്കുന്ന തേക്ക് കൊണ്ട് വന്യ മൃഗങ്ങള്‍ക്ക് പ്രയോജനം ഇല്ല എങ്കിലും വനം വകുപ്പിന് തേക്ക് വിറ്റ് പണം നേടുക മാത്രമാണ് ലക്‌ഷ്യം . വന്യ മൃഗങ്ങള്‍ കൂട്ടമായി കാട് ഇറങ്ങിയതോടെ ജനം ഭീതിയിലാണ് .
photo:ratheesh sindhoori