konnivartha.com:വിതുമ്പലടക്കി വിടപറയാൻ മാത്രമേ ജനതയ്ക്ക് അറിയാവൂ . ഉമ്മന്‍ ചാണ്ടി എന്ന ജന നേതാവിനെ അടുത്ത് അറിഞ്ഞവര്‍ എല്ലാവരും തൊഴുതു നമസ്ക്കരിച്ചു . ആശ്വസിപ്പിക്കാന്‍ പരസ്പരം വാക്കുകള്‍ഇല്ല . ജനകീയനായ വീട്ടുകാരന്‍ വിടപറയുന്നു .മണ്ണിലേക്ക് .അതും പുതുപള്ളിയുടെ മണ്ണിലേക്ക് . കേരളം കണ്ട അപൂര്‍വ്വ ജനകീയ മുഖ്യ മന്ത്രിയാണ് നമ്മെ വിട്ടു പിരിഞ്ഞത് .
ജനം എന്നും ഓര്‍ക്കും .ഹൃദയം നിറഞ്ഞ നന്മ സൂക്ഷിച്ച ഇടയന്‍ . സഹോദരന്‍ , ചിലര്‍ക്ക് പിതാവ് ,മറ്റൊരു കൂട്ടര്‍ക്ക് കൂട്ടുകാരന്‍ എല്ലാമായിരുന്നു ഈ ദേഹം . നന്മ ചെയ്യുവാന്‍ മണ്ണില്‍ പിറന്ന നന്മ മരം . ഇനിയുള്ള ആളുകള്‍ക്ക് മാതൃകാ പുരുഷന്‍ . ജനം അംഗീകരിച്ച ദേഹം . മണ്ണില്‍ ഉറങ്ങുന്നു എങ്കിലും ജന ഹൃദയത്തില്‍ എന്നും ജീവിക്കും .