konnivartha.com: കുവൈറ്റില്‍ മലയാളികള്‍ താമസിക്കുന്ന ഫ്ലാറ്റിനു തീപിടിച്ചു .കുവൈറ്റില്‍ മലയാളിയുടെ ഉടമസ്ഥതയില്‍ ഉള്ള കമ്പനിയുടെ ജീവനക്കാര്‍ താമസിച്ചിരുന്ന ഫ്ലാറ്റിനു ആണ് തീ പിടിച്ചത് .നാല് പേര്‍ മരിച്ചു .നാല്പത്തി മൂന്നു പേർക്ക് പരിക്കേറ്റിട്ടുണ്ട്.ആറു നില കെട്ടിടത്തില്‍ ആണ് തീപിടിത്തം ഉണ്ടായത് . അഗ്നിശമനസേനയും പോലീസും ചേർന്ന് പരുക്കേറ്റവരെ ആശുപത്രിയില്‍ എത്തിച്ചു .
കുവൈറ്റ്‌ മങ്കെഫ് ബ്ലോക്ക് നാലില്‍ ഉള്ള എന്‍ ബി റ്റി സി കമ്പനിയുടെ ജീവനക്കാര്‍ താമസിച്ചിരുന്ന കെട്ടിടത്തില്‍ ആണ് തീ പിടിത്തം ഉണ്ടായത് . മലയാളികള്‍ താമസിച്ചിരുന്ന ഫ്ലാറ്റ് ആണ് . അദാന്‍ ആശുപത്രിയില്‍ പത്തു പേരെ എത്തിച്ചു .
ജാബൈര്‍ , മുബാറക്ക്‌ ,ഫര്‍വാനിയ ആശുപത്രിയിലും ആളുകളെ എത്തിച്ചിട്ടുണ്ട് . പരിക്കേറ്റ 21 പേരെ അദാൻ ആശുപത്രിയിലും 11 പേരെ മുബാറക് അൽ കബീർ ആശുപത്രിയിലും 4 പേരെ ജാബിർ ആശുപത്രിയിലും 6 പേരെ ഫർവാനിയ ആശുപത്രികളിലുമാണ് പ്രവേശിപ്പിച്ചത്
താഴത്തെ നിലയില്‍ ആണ് ആദ്യം തീ പടര്‍ന്നത് . ഇത് കണ്ടു മുകള്‍ നിലയില്‍ നിന്നും പലരും താഴേക്ക് ചാടി ആണ് പരിക്ക് . സമീപത്തേക്ക് തീ പടരാതിരുന്നതിനാല്‍ വന്‍ അപകടം ഒഴിവായി.നിലവിൽ തീ നിയന്ത്രണ വിധേയമാണ്. കെട്ടിടത്തിൽ നിന്ന് ആളുകളെ ഒഴിപ്പിച്ചു .195 പേരാണ് താമസിച്ചിരുന്നത്