konnivartha.com: കോന്നി നിവാസി ടോജന്‍ വര്‍ഗീസ്‌ മെഷ്യന്‍ വാള്‍ ഉപയോഗിച്ച് തടിപ്പണികള്‍ ചെയ്തു ഉപജീവന മാര്‍ഗം തേടുന്നയാളാണ് . മനസ്സില്‍ നിറഞ്ഞു നില്‍ക്കുന്ന കലാവാസനകൂടി ചേര്‍ന്നതോടെ പണി സ്ഥലങ്ങളില്‍ ഒരു മുഷിവും വരില്ല .
കോന്നി കൊല്ലന്‍പടിയില്‍ മലയില്‍ ലിജോയുടെ പറമ്പിലെ തടിപ്പണികള്‍ക്ക് ഇടയില്‍ വീണു കിട്ടിയ സമയത്ത് മരകുറ്റിയില്‍ മെഷ്യന്‍ വാള്‍ കൊണ്ട് ടോജനും പണിതു നല്ലൊരു കുരണ്ടി . പണ്ട് കാലത്ത് വീടുകളില്‍ ഇരിക്കാന്‍ ഉപയോഗിച്ചിരുന്ന തടി കൊണ്ടുള്ള ചെറിയ കസേര ആണ് കുരണ്ടി . മരകുറ്റിയില്‍ ഏതാനും മിനിട്ട് കൊണ്ട് മെഷ്യന്‍ വാള്‍ ഉപയോഗിച്ച് ടോജന്‍ വീട്ടുകാര്‍ക്ക് നിര്‍മ്മിച്ച്‌ നല്‍കിയ കുരണ്ടി ആണ് സോഷ്യല്‍ മീഡിയയില്‍ ഇപ്പോള്‍ താരം .