konnivartha.com: 2025 -ലെ 49-ാമത് വയലാർ സാഹിത്യ അവാർഡ് ഒക്ടോബർ 5-ാം തീയതി (ഞായറാഴ്‌ച) ഉച്ചയ്ക്ക് പ്രഖ്യാപിക്കും . ജഡ്ജിംഗ് കമ്മിറ്റി അംഗങ്ങളും ട്രസ്റ്റിൻ്റെ എക്‌സിക്യൂട്ടീവ് അംഗങ്ങളായ പ്രഭാവർമ്മ, ശാരദാ മുരളീധരൻ IAS (Rtd.), വി. രാമൻകുട്ടി എന്നിവർ പങ്കെടുക്കുന്ന പത്രസമ്മേളനത്തിൽ ട്രസ്റ്റ് പ്രസിഡൻ്റ് പെരുമ്പടവം ശ്രീധരൻ അവാർഡ് പ്രഖ്യാപിക്കും എന്ന് സെക്രട്ടറി അഡ്വ .ബി സതീശന്‍ അറിയിച്ചു .
സംസ്ഥാന സർക്കാരിലെ സാംസ്കാരിക വകുപ്പിന്റെ കീഴിലുള്ള സാഹിത്യ കലാ സാംസ്കാരിക സ്ഥാപനമാണ് വയലാർ രാമവർമ്മ മെമ്മോറിയൽ ട്രസ്റ്റ്. കഴിഞ്ഞ 48 വർഷമായി വയലാർ ട്രസ്റ്റ് വയലാർ സാഹിത്യ അവാർഡ് പ്രഖ്യാപിച്ചു വരുന്നു.
