കോന്നി വാര്‍ത്ത ഡോട്ട് കോം :കോവിഡ് മഹാമാരിയെ തുടർന്ന് നിശ്ചലമായ കലാ പ്രവർത്തനത്തെ പുനർജീവിപ്പിക്കാനുള്ള ശ്രമത്തിലാണ് കമലദളം കേരള കലാ കുടുംബം ഭാരവാഹികൾ . ഇതിനായി കലഞ്ഞൂരിൽ അഭിനയ പഠന കളരിയും ഓൺലൈൻ കലാവിരുന്നും സംഘടിപ്പിച്ചു .
കോവിഡ് മാനദണ്ഡങ്ങൾ പാലിച്ചു കൊണ്ട് കലഞ്ഞൂരിൽ നടത്തിയ അഭിനയകളരി സിനിമയുടെ മുഴുവൻ വശങ്ങളെയും അടുത്തറിയുന്നതിന് സാധിക്കുന്ന തരത്തിൽ ആയിരുന്നു. അഭിനയം എന്നാൽ കാപട്യമാണ് എന്നാണ് ചലച്ചിത്രസംവിധായകൻ ബിനോയ് പട്ടിമറ്റം പറഞ്ഞു .
ശിശു,പിതൃ,പുത്ര ഭാവങ്ങളിലൂടെയാണ് അഭിനയം കടന്നു പോകുന്നതെന്നും ക്ലാസ്സ്‌ നയിച്ച ചലച്ചിത്ര സംവിധായകൻ ബിനോയ് പട്ടിമറ്റം പറഞ്ഞു.
പറഞ്ഞാലും പഠിച്ചാലും തീരാത്ത അനന്തമായ തലമാണ് സിനിമ മേഖലയെന്ന് ക്ലാസെടുത്ത സംവിധായകൻ സതീഷ് മുണ്ടക്കൽ അഭിപ്രായപ്പെട്ടു .
വ്യത്യസ്ത തലങ്ങളിലുള്ള കലാകാരന്മാരെ കോർത്തിണക്കി കൊണ്ടായിരുന്നു കമലദളത്തിന്റെ നേതൃത്വത്തിൽ അഭിനയ പഠനകളരി സംഘടിപ്പിച്ചത്. ഗിരീഷ് പാടം,കൈലാസ് സാജ്,അടൂർ മണിക്കുട്ടൻ, മനോജ് ഈപ്പൻ,രാജു ഫിലിപ്പ്, ബിജികുമാർ,ശ്രീകല മനോഹർ,നിർമ്മല പ്രദീപ്,നന്ദിനി,ആരഭി അൽദിയ,അമൂല്യ എന്നിങ്ങനെ സിനിമ-സീരിയൽ നാടകരംഗത്ത് നിന്നും ഉള്ള കലാകാരന്മാർ ആണ് കലഞ്ഞൂരിൽ ഒത്തുചേർന്നത്.വേറിട്ട പരിപാടികൾ കളരിയിൽ ഈ കലാകാരന്മാർ അവതരിപ്പിച്ചു.
വരുംകാലങ്ങളിൽ നല്ല അഭിനേതാക്കളെ സൃഷ്ടിക്കുന്നതിനാണ് ഇത്തരം അഭിനയ കളരികൾ സംഘടിപ്പിക്കുന്നതെന്ന് കമലദളം ഭാരവാഹികൾ പറഞ്ഞു . തികച്ചും സൗജന്യമായി പങ്കെടുക്കാൻ പറ്റുന്ന ഇത്തരത്തിലുള്ള അഭിനയക്കളരി കേരളത്തിലെ പ്രധാനപ്പെട്ട എല്ലാ സ്ഥലങ്ങളിലും സംഘടിപ്പിക്കുന്നതിനുള്ള പദ്ധതികൾ തയ്യാറാക്കി കഴിഞ്ഞു എന്ന് കമലദളം കേരള കലാ കുടുംബം സംസ്ഥാന രക്ഷാധികാരി പ്രശാന്ത് കോയിക്കൽ അറിയിച്ചു