konnivartha.com : അരുവാപ്പുലം പഞ്ചായത്തിലെ കൊക്കാത്തോട് വിളക്കുപടിയിൽ തൊഴിലുറപ്പ് പദ്ധതിയുടെ പേരിൽ വ്യാപകമായി ക്രമക്കേടുകൾ നടന്നതായിവിജിലന്‍സിന് യുവമോർച്ച കോന്നി മണ്ഡലം പ്രസിഡന്റ്‌ പ്രെസ്സി കൊക്കാത്തോട് പരാതി നല്‍കി . തുടര്‍ന്ന് അരുവാപ്പുലം പഞ്ചായത്ത് ഓഫീസില്‍ യുവമോര്‍ച്ച പ്രവര്‍ത്തകര്‍ എത്തി പ്രതിക്ഷേധിച്ചു .പ്രവര്‍ത്തകരെ പോലീസ് അറസ്റ്റ് ചെയ്തു നീക്കി .അരുവാപ്പുലം പഞ്ചായത്തില്‍ നടന്ന മുഴുവന്‍ തൊഴില്‍ ഉറപ്പ് പദ്ധതിയും വിജിലന്‍സ് അന്വേഷിക്കണം എന്നാണ് ആവശ്യം .
ജനങ്ങൾക്കിടയിൽ നിന്ന് വ്യാപകമായി പരാതികൾ ലഭിച്ചിട്ടുണ്ടെന്നും തൊഴിൽ ചെയ്യാത്ത പലർക്കും അറ്റന്റൻസ് നൽകുകയും തൊഴിൽ ദിനങ്ങൾ ഉൾപ്പെടുത്തി അക്കൗണ്ട് വരുന്ന പണം അധികാരികൾ ഉൾപ്പെടെ വീതം വയ്ക്കുന്നതുമായാണ് പരാതി.വിജിലന്‍സ് പരാതി സ്വീകരിച്ചു . ഉടന്‍ അന്വേഷണം നടക്കും . പഞ്ചായത്ത് അധികാരികൾക്ക് പരാതി ലഭിച്ചിട്ടും അന്വേഷിക്കാത്തപക്ഷമാണ് പ്രതിഷേധ പരിപാടികളുമായി മുൻപോട്ട് പോകുന്നത് എന്ന് യുവമോര്‍ച്ച ഭാരവാഹികള്‍ അറിയിച്ചു .