konnivartha.com: ലോക പരിസ്ഥിതി ദിനത്തോടനുബന്ധിച്ച് വൃക്ഷവത്ക്കരണത്തിന് സന്നദ്ധമായ വിദ്യാഭ്യാസ സ്ഥാപനങ്ങള്‍, സര്‍ക്കാര്‍ സ്ഥാപനങ്ങള്‍ മുതലായവയ്ക്ക് സൗജന്യമായി വൃക്ഷതൈ ലഭ്യത അനുസരിച്ച് വിതരണം ചെയ്യുന്ന വനം വകുപ്പിന്‍റെ പദ്ധതിയെ സംബന്ധിച്ച് സമഗ്ര അന്വേഷണം സര്‍ക്കാര്‍ പ്രഖ്യാപിക്കണം .
കഴിഞ്ഞ വര്‍ഷങ്ങളില്‍ വിതരണം ചെയ്ത വൃക്ഷതൈകള്‍ വളര്‍ന്നോ അത് എത്ര വരെ എത്തി എന്നോ നിലവില്‍ ഉണ്ടോ എന്ന് വനം വകുപ്പ് അന്വേഷിച്ചില്ല . നട്ടതില്‍ പാതി പോലും കിളിര്‍ത്തില്ല . ലോക പരിസ്ഥിതി ദിനമായ ഇന്ന് (ജൂണ്‍ 5) മുതല്‍ വനമഹോത്സവം അവസാനിക്കുന്ന ജൂലൈ ഏഴു വരെയാണ് വൃക്ഷ തൈ വിതരണം വീണ്ടും നടത്തുന്നത് .ഇതിലൂടെ എത്ര കോടിയുടെ അഴിമതി നടക്കുന്നു എന്ന് സമഗ്ര അന്വേഷണം വേണം .
വരുന്ന മൂന്നു വര്‍ഷങ്ങളിലായി വൃക്ഷതൈ നട്ടു പരിപാലിക്കും എന്ന് ഉറപ്പു വരുത്തി സര്‍ക്കാരേതര സംഘടനകള്‍ക്കും തൈകള്‍ ലഭ്യമാക്കും. ആരാണ് നിരീക്ഷിക്കുന്നത് എന്ന് വ്യക്തം അല്ല , സൗജന്യമായി കൈപ്പറ്റുന്ന തൈകള്‍ വില്‍ക്കാനോ നടാതെ മാറ്റി വയ്ക്കാനോ പാടില്ല. ഇക്കാര്യം വനം വകുപ്പ് അധികൃതര്‍ നേരിട്ട് പരിശോധിച്ച് ഉറപ്പു വരുത്തും എന്ന് പറയുന്നു എങ്കിലും ഇതേ വരെ വിതരണം ചെയ്ത തൈകളുടെ അടുത്ത് ചെന്ന് പരിശോധന നടത്തിയിട്ടില്ല . കോടികണക്കിന് രൂപയുടെ അഴിമതി ഇക്കാര്യത്തില്‍ നടക്കുന്നു എങ്കിലും ഒരു അന്വേഷണം പോലും നടന്നിട്ടില്ല . വനം വകുപ്പില്‍ നടക്കുന്ന അഴിമതി സംബന്ധിച്ച് സമഗ്ര അന്വേഷണം വേണം . ജനങ്ങള്‍ക്ക്‌ നേരിട്ട് അറിവില്ലാത്ത കാര്യങ്ങള്‍ ആണ് പലതും . വനം ആയതിനാല്‍ കടന്നു കയറി പലതും കണ്ടെത്താന്‍ സാധിക്കില്ല .അതിനാല്‍ ആണ് സമഗ്ര അന്വേഷണം വേണം എന്ന് പലരും പറയുന്നത് .
കൊല്ലം വന മേഖലയിലായി (തിരുവനന്തപുരം-207000, കൊല്ലം-203500, പത്തനംതിട്ട-163000, ആലപ്പുഴ-225000,കോട്ടയം-200000)ആകെ 9,98,500 തൈകള്‍ വിതരണത്തിനായി സജ്ജമാക്കിയിട്ടുണ്ട്.എറണാകുളം റീജനില്‍ എറണാകുളം-210000, ഇടുക്കി-205000, തൃശൂര്‍-225000, പാലക്കാട്-220000) ആകെ 86,00,00 തൈകളും സജ്ജമാക്കി . ഇത് വിതരണം ചെയ്തു നട്ട് പിടിപ്പിച്ചാല്‍ കേരളം വലിയൊരു വനമാകും . ഈ തൈകള്‍ വളര്‍ന്നോ എന്ന് നിരീക്ഷിക്കണം .
കോഴിക്കോട് വനം റീജനില്‍ (കാസറകോഡ്-52700, കണ്ണൂര്‍-50000, കോഴിക്കോട്-40000, വയനാട്-40000, മലപ്പുറം-50000) ആകെ 23,27,00 തൈകളും വിതരണത്തിന് തയാറാണ് ഇവിടെയും മരം വളര്‍ന്നോ എന്ന് നോക്കണം .
ഇത്തരത്തില്‍ ആകെ 20,91,200 തൈകളാണ് വിതരണത്തിനായി തയാറാക്കിയിട്ടുള്ളത്. തൈകള്‍ അതത് വനം വകുപ്പ് ഓഫീസുകളില്‍ നിന്നും ഇന്ന് (ജൂണ്‍ 5) മുതല്‍ ജൂലൈ ഏഴു വരെ നേരിട്ട് കൈപ്പറ്റാം എന്നും അറിയിപ്പ് ഉണ്ട് . തൈകള്‍ തവാരണ ഒരുക്കി നടന്നത് മുതല്‍ ഉള്ള അന്വേഷണം വനം വകുപ്പ് പ്രഖ്യാപിക്കണം . ഇക്കാര്യത്തില്‍ ഏറെ ദുരൂഹ ആരോപണം നിലവില്‍ ഉണ്ട് .