കര്ണാടകയ്ക്കും ഗുജറാത്തിനും പിന്നാലെ മഹാരാഷ്ട്രയിലും കോവിഡിന്റെ ഒമിക്രോണ് വകഭേദം (ബി 1.1.529) സ്ഥിരീകരിച്ചു. മുംബൈയിലെ കല്ല്യാണ് ഡോംബിവാലി മുന്സിപ്പല് പ്രദേശത്ത് ദക്ഷിണാഫ്രിക്കയില് നിന്നെത്തിയ ആളിലാണ് രോഗം സ്ഥിരീകരിച്ചിരിക്കുന്നത്. ഇതോടെ രാജ്യത്ത് ഒമിക്രോണ് വകഭേദം സ്ഥിരീകരിച്ചവരുടെ എണ്ണം നാലായി. 33 വയസ്സുകാരനായ ഇയാള് നവംബര് 23നാണ് ദക്ഷിണാഫ്രിക്കയില് നിന്ന് ദുബായ് വഴി ഡല്ഹി വിമാനത്താവളത്തിലെത്തിയത്.