കോന്നി താവളപ്പാറയില്‍ പൊതു പൈപ്പില്‍ നിന്നും രാത്രിയില്‍ വെള്ളം കവരുന്നു
കോന്നി വാര്‍ത്ത ഡോട്ട് കോം : വേനല്‍ കടുത്തു .കോന്നി മേഖല കുടിവെള്ള ക്ഷാമത്തിലേക്ക് കടന്നു .പൊതുടാപ്പുകളിലെ ശുദ്ധജലം ദുരുപയോഗം ചെയ്യുന്നവരുടെ എണ്ണവും പെരുകി . വലിയ ടാങ്കുകള്‍ വാങ്ങി പലരും പൊതുടാപ്പുകളിലെ ജലം കവരുന്നു . ചിലര്‍ കൃഷി ആവശ്യത്തിലേക്ക് ഈ വെള്ളം എടുക്കുന്നു .ഇതെല്ലാം നടക്കുന്നത് കോന്നി പയ്യനാമണ്ണില്‍ ആണ് .
താവളപ്പാറയിലെ പാവം പിടിച്ച ജനത്തിന് കുടിവെള്ളം പൈപ്പിലൂടെ ഇല്ല .എല്ലാം കവരുന്നത് രാത്രിയില്‍ ആണ് . പണം ഉള്ളവര്‍ 5000 ലിറ്റര്‍ വെള്ളം കൊള്ളുന്ന ടാങ്ക് വാങ്ങി അതില്‍ പൊതു പൈപ്പില്‍ നിന്നും ഹോസ് ഇട്ടു ആണ് നിറയ്ക്കുന്നത് .
മുകളിലേക്ക് ഉള്ള പാവം ജനത്തിന് വെള്ളം എത്തുന്നില്ല . രാത്രി കാലത്ത് വെള്ളം പമ്പ് ചെയ്യുന്ന സ്ഥലത്ത് അധികാരികള്‍ മിന്നല്‍ പരിശോധന നടത്തുകയും താവളപ്പാറയില്‍ പൊതു പൈപ്പില്‍ നിന്നും ഹോസ് ഇട്ടു അനധികൃതമായി വെള്ളം മോഷ്ടിക്കുന്നവരെ കണ്ടെത്തുകയും ചെയ്യണം .അധികാരികള്‍ ഉടന്‍ നടപടി സ്വീകരിക്കണം .