ഇലന്തൂര്‍ നരബലിക്കേസില്‍ പ്രതികളുമായി വീണ്ടും തെളിവെടുപ്പ്. ഇലന്തൂരിലെ വീട്ടിലും ധനകാര്യ സ്ഥാപനത്തിലുമാണ് തിങ്കളാഴ്ച തെളിവെടുപ്പ് നടക്കുന്നത്.മുഖ്യപ്രതിയായ ഷാഫിയെയും മൂന്നാംപ്രതി ലൈലയെയും ഇലന്തൂരിലെ വീട്ടിലെത്തിച്ചും തെളിവെടുപ്പ് നടത്തുന്നുണ്ട്. ഫൊറന്‍സിക് സംഘവും ഇവിടെ എത്തിയിട്ടുണ്ട്.കൊല്ലപ്പെട്ട റോസ്‌ലിന്റെ സ്വര്‍ണാഭരണങ്ങള്‍ പണയംവെച്ച ഇലന്തൂരിലെ ധനകാര്യ സ്ഥാപനത്തില്‍ രണ്ടാംപ്രതി ഭഗവല്‍സിങ്ങിനെയാണ് എത്തിച്ചത്. ഇവിടെ വിവിധ രേഖകളടക്കം പോലീസ് പരിശോധിച്ചുവരികയാണ്.